D. Ажил уруугаа явах зам

хугацааны хязгаарлалт 1 секунд

санах ойн хязгаарлалт 256 мегабайт

оролт стандарт оролт

гаралт стандарт гаралт

Васили машинтай бөгөөд гэрээсээ ажил уруугаа явахыг хүсч байгаа. Түүний туулах ёстой зам нь нийт $d$ километр урттай.

Василигийн машин нь хуучин. Энэ нь $k$ километр яваад эвдэрдэг бөгөөд үүнийг засахад $t$ секунд шаарддаг. Машинаа зассаны дараа дахин унах боломжтой болно (гэхдээ дахин $k$ километр явсаны дараа машин нь дахин эвдэрнэ гэх мэт үргэлжлэнэ). Гэрээсээ гарахад машин засагдсан байна.

Нэг километр замыг машинтайгаа туулахад $a$ секунд шаарддаг. Харин нэг километр замыг хөлөөрөө туулахад $b$ секунд шаарддаг ($a < b$).

Таны даалгавар бол Васили ажил дээрээ очих хамгийн бага хугацааг олох юм. Васили аль ч мөчид машинаасаа гаран хөлөөрөө явж чадна гэж тооцно уу.

Оролт

Эхний мөрөнд 5 ширхэг эерэг бүхэл тоонууд $d, k, a, b, t$ ($1 ≤ d ≤ 10^{12}$; $1 ≤ k, a, b, t ≤ 10^{6}$; $a < b$) өгөгдөнө.

  • $d$ -- гэрээс ажил хүрэх хүртэл замын урт,
  • $k$ -- машины эвдрэхээсээ өмнө явж чадах зай,
  • $a$ -- Васили машинаараа нэг километр зам туулах хугацаа,
  • $b$ -- Васили хөлөөрөө нэг километр зам туулах хугацаа,
  • $t$ -- Васили машинаа засах хугацаа.

Гаралт

Васили гэрээсээ ажил дээрээ очих хамгийн бага хугацааг хэвлэнэ үү.

Орчуулсан: Энхлут

Жишээ тэстүүд

Оролт
5 2 1 4 10
Гаралт
14
Оролт
5 2 1 4 5
Гаралт
13

Тэмдэглэл

Эхний жишээнд Васили эхний 2 километрыг машинаараа туулаад (2 секундын хугацаанд), дараагийн 3 километрыг хөлөөрөө туулна (12 секундын хугацаанд). Тиймээс нийт 14 секунд шаардана.

2 дахь жишээнд Васили эхний 2 километрыг машинаараа туулаад (2 секундын хугацаанд), машинаа засаад (5 секундын хугацаанд), дахиад 2 километрыг машинаараа туулаад (2 секундын хугацаанд), 1 километрыг хөлөөрөө туулна (3 секундын хугацаанд). Тиймээс нийт 13 секунд шаардана.

Сэтгэгдлүүдийг ачааллаж байна...