D. Арифметикийн эцсийн шалгалтууд

хугацааны хязгаарлалт 2 секунд

санах ойн хязгаарлалт 256 мегабайт

оролт стандарт оролт

гаралт стандарт гаралт

Витяа 3-дугаар ангид сурдаг.Сүүлийн математикийн хичээлээр бүх жаалууд арифметикийн асуултад хариулжээ.Витяа сэргэлэн хүү бөгөөд, тэрээр бүх бодлогыг маш хурдан хийж дуусгаад Оксана Филлиповна түүнд илүү хүнд шинэ бодлого өгчээ.

Бүхэл тооны тонгоргох үйлдлийг дараах байдлаар тодорхойлно: тоо нь аравтын тооллын бичлэгээрээ бодогдох бөгөөд дараа нь тонгоргоно.Хэрэв сүүлд нь 0 байвал, тэднийг авч хаяна.Жишээлбэл, хэрэв $123$-ыг тонгорговол үр дүн нь $321$ байна,харин $130$-ыг тонгорговол үр дүн нь $31$ байх ба $31$-ыг тонгоргосноор бид $13$ гэсэн үр дүнд хүрэх юм.

Оксана Филлиповна 0-ээр эхлээгүй ямар нэг $a$ тоог сонгох ба $a_{r}$ гэсэн тоо гартал үүнийг тонгоргоно.Дараа нь тэрээр $a$ болон $a_{r}$-г нэмээд нийлбэрийн утга $n$-г Витяа-д хэлж өгнө.Түүний зорилго бол ямар нэг боломжит $a$ тоог олох юм.

Оксана Филлиповна $a$ болон $a_{r}$-аар маш бага бүхэл тоонууд сонгосон учраас Витяа хариултыг маш хурдан олж байсан бөгөөд уг бодлогыг шийдэх ерөнхий алгоритмыг олох сонирхол төржээ.Одоо тэрээр таныг өгөгдсөн $n$-ын хувьд $a + a_{r} = n$ байх 0-ээр эхлээгүй ямар нэг $a$ тоо олох программ эсвэл тийм байх $a$ тоо оршин байхгүй гэдгийг тодорхойлохыг хүсжээ.

Оролт

Эхний мөрөнд ганц бүхэл тоо $n$ ($1 ≤ n ≤ 10^{100 000}$) өгөгдөнө.

Гаралт

$a + a_{r} = n$ байх 0-ээр эхлээгүй ямар ч бүхэл тоо $a$ байхгүй байвал $0$ гэж хэвлэнэ.Бусад тохиолдолд ямар нэг боломжит $a$ тоог хэвлэнэ үү.Хэрэв олон боломжит хариулт байвал,та алийг нь ч сонгосон болно.

Орчуулсан: Баатархүү

Жишээ тэстүүд

Оролт
4
Гаралт
2
Оролт
11
Гаралт
10
Оролт
5
Гаралт
0
Оролт
33
Гаралт
21

Тэмдэглэл

Эхний жишээнд $4 = 2 + 2$, $a = 2$ нь цорын ганц боломжит хариулт юм.

2-дахь жишээнд $11 = 10 + 1$, $a = 10$ -- цорын ганц хариулт. Тэмдэглэл,$a = 01$ нь буруу юм,учир нь $a$ 0-ээр эхэлж болохгүй.

3-дахь жишээнд тохиромжтой $a$ байхгүйг хялбархан шалгаж болно.

4-дэх жишээнд $33 = 30 + 3 = 12 + 21$, иймээс нийт 3-н боломжит $a$ байна:$a = 30$, $a = 12$, $a = 21$.Эдгээрийн аль нь ч зөвөөр тооцогдоно.

Сэтгэгдлүүдийг ачааллаж байна...