A. Баавгай ба сонгууль

хугацааны хязгаарлалт 1 секунд

санах ойн хязгаарлалт 256 мегабайт

оролт стандарт оролт

гаралт стандарт гаралт

Хөгшин баавгай Лимак эрх мэдэлд дуртай тул Бэрландын захирагчийн сонгуульд нэр дэвших болжээ.

Сонгуульд Лимакийг оролцуулаад $n$ нэр дэвшигч бий. Тэрээр нэр дэвшигч бүрт хэдэн иргэн санал өгөх гэж байгааг мэдэж байгаа. $i$ дэх нэр дэвшигч нь $a_{i}$ санал авах байсан гэе. Лимак өөрөө $1$ дугаартай нэр дэвшигч. Сонгуульд ялахын тулд тэрээр бусад бүх нэр дэвшигчдээсээ илүү санал авсан байх ёстой.

Ялалт бол түүний хувьд хамгийн чухал зүйл тул Лимак булхайцахаар шийджээ. Тэрээр иргэдийг хахуульдан бусад нэр дэвшигчдийнхөө саналыг хулгайлах болно. Лимак иргэнийг хахуульдахдаа нэг чихэр өгнө. Иргэд нь мөн баавгай тул чихрэнд дуртай. Лимакд олон чихэр байхгүй тулд тэрээр хэчнээн иргэнийг хахуульдахад хангалттайг мэдэхийг хүсчээ.

Оролт

Эхний мөрөнд сонгуульд нэр дэвшигчдийн тоог илэрхийлэх $n$ ($2 ≤ n ≤ 100$) гэсэн бүхэл тоо байна.

Хоёр дахь мөрөнд нэр дэвшигчдийн авах саналын тоог илэрхийлэх $a_{1}, a_{2}, ..., a_{n}$ ($1 ≤ a_{i} ≤ 1000$) гэсэн $n$ ширхэг бүхэл тоо зайгаар тусгаарлагдан байна. $1$ дугаартай нэр дэвшигч нь Лимак.

Хэд хэдэн иргэнийг хахуульдсаны дараа саналын тоонууд $0$ эсвэл $1000$-аас их болж болохыг анхаарна уу.

Гаралт

Бүх нэр дэвшигчдээс их санал авахын тулд хамгийн цөөндөө хичнээн иргэнийг хахуульдах шаардлагатайг хэвлэ.

Орчуулсан: Бат-Од

Жишээ тэстүүд

Оролт
5
5 1 11 2 8
Гаралт
4
Оролт
4
1 8 8 8
Гаралт
6
Оролт
2
7 6
Гаралт
0

Тэмдэглэл

Эхний жишээнд Лимак $5$ саналтай байна. Сонгуульд ялах нэг боломж нь гурав дахь нэр дэвшигчид санал өгч буй $4$ иргэнийг хахуульдах юм. Тэгээд саналын тоо $9, 1, 7, 2, 8$ гэсэн харьцаатай болно. Мөн Лимак гурав дахь нэр дэвшигчээс $3$ санал хулгайлан, хоёр дахь нэр дэвшигчээс $1$ санал хулгайлбал $9, 0, 8, 2, 8$ гэсэн харьцаатайгаар ялалт байгуулж болно.

Хоёр дахь жишээнд Лимак бусад нэр дэвшигч болгоноосоо $2$ санал хулгайлахад болно. Энэ үед саналууд $7, 6, 6, 6$ гэсэн харьцаатай болно.

Гурав дахь жишээнд Лимак хэнд ч хахууль өгөлгүйгээр ялагч болно.

Сэтгэгдлүүдийг ачааллаж байна...