Дразил Вардатай болзохыг хүсжээ. Дразил Варда хоёр координатын хавтгай дээр байрлана. Дразилын гэр $(0, 0)$ цэгт, харин Вардагийн гэр $(a, b)$ цэгт байрлана. Дразил нэг алхмаар босоо эсвэл хэвтээ чиглэлд нэгж уртаар явж чадна. Өөрөөр хэлбэл нэг алхмаар $(x, y)$ цэгээс $(x + 1, y)$, $(x - 1, y)$, $(x, y + 1)$, $(x, y - 1)$ цэгүүдийн аль нэгэнрүү нь очиж чадна гэсэн үг.

Харамсалтай нь Дразил зүг чигийн баримжаагаа алджээ. Тиймээс алхах бүртээ дурын чиглэл сонгон алхах болов. Магадгүй тэрээр гэртээ буцаад ирж ч болох юм. Бүр $(a, b)$ цэгт ирснээ мэдэлгүй цаашаагаа үргэлжлүүлэн явж ч болох юм.

Азаар $(a, b)$ цэгт амжилттай хүрчээ. Дразил Вардад "Би гэрээсээ яг $s$ алхмын дараа танай гэрт ирлээ" гэж хэлэв. Гэвч Варда $(0, 0)$ цэгээс $(a, b)$ цэг хүртэл яг $s$ алхамын дараа ирэх боломжтой эсэхэд эргэлзэж гэнэ. Үүнийг боломжтой эсэхийг Вардаад олж өгч тусална уу?

Оролт

$a$, $b$, болон $s$ ($-10^{9} ≤ a, b ≤ 10^{9}$, $1 ≤ s ≤ 2 \cdot 10^{9}$) бүхэл тоонууд нэг мөрөнд байна.

Гаралт

Дразил алдаа гаргасан буюу яг $s$ алхмын дараа Вардагийн гэрт очих боломжгүй бол "No" гэж хэвлэ.

Бусад тохиолдолд "Yes" гэж хэвлэ.

Дөрөв дүгээр жишээн дээр нэгэн боломжит зам нь: $$ (0,0) → (0,1) → (0,0) $$