C. Сарны тогоо

хугацааны хязгаарлалт 2 секунд

санах ойн хязгаарлалт 256 мегабайт

оролт стандарт оролт

гаралт стандарт гаралт

Саран дээрх тогоонууд(хонхор нүхнүүд) хэрхэн хаанаас үүссэн талаар маш олон онол байдаг билээ. Ихэнх эрдэмтэд солирын онол дээр санал нийлдэг бөгөөд энэ нь тэнгэрийн эрхэс болон сарны мөргөлдөөний үр дүнд эдгээр тогоонууд үүссэн талаарх онол юм. Өөр нэгэн хувилбар нь эдгээр тогоонуудыг галт уулын хэсэг хэмээн үздэг ажээ. Харь гаригийн хүмүүсийн оюун ухааны судлаач профессор Окулов(программчлалын алдартай номуудын зохиолч Окуловтой ижилхэн нэртэй хүн юм) нэгэн өөр таамаглал дэвшүүлжээ. Та энийг ямархуу таамаглал гэж бодож байна? Мэдээж хэрэг харь гаригийн хүний оюун ухааны хүч оролцсон таамаглал юм. Одоо профессор өөрийн таамаглалдаа баталгаа хайж байгаа ажээ.

Профессор-д Сарны гадарга дээр байрладаг нэг чиглэлийн дагуу шулуун байдлаар хөдөлдөг сарны роботоос ирсэн мэдээлэл байв. Сарны тогоонууд гэдэг нь бүхэл тоон радиусуудтай тойргууд юм. Түүнчлэн сарны робот нь зөвхөн өөрийн явах зам дээр төвүүд нь байрлах тогоонуудыг тэмдэглэж авах бөгөөд тогоонуудын төвүүдээс өөрийн явах замын гарааны цэг хүртэлх зайнууд болон уг тогоонуудын радиусуудын мэдээллийг Дэлхий уруу илгээх ажээ.

Профессор Окулов-ын онолын дагуу 2 ширхэг тогоо нь харь гаригийн оюун ухаант хүмүүсийн хүчээр ямар нэг үл мэдэгдэх зорилгын дагуу бүтээгдсэн бөгөөд нэг нэгнийгээ бүтэн хашаалсан эсвэл ямар ч огтлолцоогүй байдалтай байх юм. 2 ширхэг тогоо нь дотоод болон гадаад байдлаар шүргэлцсэн байж болно. Тэгсэн хэдий ч сарны роботоос ирж буй туршилтын мэдээллүүд нь уг онолыг үгүйсгэж байгаа юм! Гэсэн хэдий ч профессор Окулов итгэл найдвараа тээсээр байгаа бөгөөд тэрээр ямар нэгэн учир утга төгс онол нээхийн тулд алдаатай хэмжилтийн үр дүнд ирсэн буруу мэдээллийг үл тоох хэрэгтэй гэдгийг маш сайн ойлгож байлаа. Эсвэл энэ нь харь гаригийн оюун ухаант хүмүүсийн чадварлаг далдлалт байж болох бөгөөд эрт хойно аль нь ч байсан профессор Окулов энэ бүхнийг олж мэдэх нь баттай юм. Иймээс Окулов боломжит тогоонуудын тайлбар дундаас өөрийнх нь онолыг хангах хамгийн том тогоонуудын олонлогийг сонгохыг хүсжээ.

Оролт

Оролтын эхний мөрөнд бүхэл тоо $n$ ($1 ≤ n ≤ 2000$) өгөгдөх ба энэ нь нээгдсэн буюу боломжит тогоонуудын тоог илэрхийлнэ. Дараагийн $n$ мөрийн мөр болгонд нэг ширхэг тогооны тайлбар "$c_{i}$ $r_{i}$" гэсэн хэлбэртэйгээр өгөгдөх ба энд $c_{i}$ нь сарны роботын зам дээрх тогооны төвийн координатыг, $r_{i}$ нь уг тогооны радиусыг тус тус илэрхийлэх юм. Бүх $c_{i}$ болон $r_{i}$ тоонууд нь $10^{9}$-өөс хэтрэхгүй эерэг бүхэл тоонууд байна. Мөн ямар ч 2 тогоо нь давхцаагүй байна.

Гаралт

Гаралтын эхний мөрөнд шаардагдсан хамгийн том тогоонуудын олонлог доторх тогоонуудын тоог хэвлэнэ. Дараагийн мөрөнд уг олонлогт агуулагдах тогоонуудын дугааруудыг зайгаар тусгаарлан хэвлэнэ үү. Тогоонууд нь оролтод өгөгдсөн дарааллынхаа дагуу $1$-ээс $n$ хүртэл дугаарлагдсан байна. Тоонуудыг ямар ч дарааллаар хэвлэж болох бөгөөд хэрэв бодлогын хариулт нь цор ганц биш байвал алийг нь ч хэвлэсэн болно.

Орчуулсан: Баатархүү

Жишээ тэстүүд

Оролт
4
1 1
2 2
4 1
5 1
Гаралт
3
1 2 4
Сэтгэгдлүүдийг ачааллаж байна...