B. Трискайдэкафобиа

хугацааны хязгаарлалт 2 секунд

санах ойн хязгаарлалт 256 мегабайт

оролт стандарт оролт

гаралт стандарт гаралт

Трискайдэкафобиа бол 13-ийн тооноос айх өвчин юм. Энэхүү айдаст автсан энгийн хүмүүс 13, 130, 513 гэх мэт тоонуудаас айдаг. Програмист хүний хувьд чи арай холыг хардаг байна. Жишээлбэл 7. Энэ тоог аравтын тооллын системд бичвэл айх зүйл байхгүй боловч дөрөвтийн тооллын системд аймшигт 13 гэж бичигдэнэ.

Энэ талаар бодох тусам л аймшигтай санагддаг байна. 100 нь 13-ийг агуулсан арван гурван хэлбэрийн бичиглэлтэй! Мөн зарим тоонууд 13-ийг агуулсан төгсгөлгүй олон хэлбэрт бичигддэг. Азаар чи аймшигт тоог огт агуулдаггүй хоёртын системд бүхий л төрлийн математикийн үйлдлүүдийг хийж чаддаг. Гэхдээ л чи тоонуудын хэр аймшигтайг тооцоолж чаддаг байхыг хүсчээ.

Чиний даалгавар бол $n$ гэсэн бүхэл тоо өгөгдсөнөөр $n$ тоог $b$ $(b ≥ 2)$ тооллын системд бичихэд 13-ийг агуулдаг байх ялгаатай $b$-үүдийн тоог олох юм. 10-аас том тоон тооллын системд цифрүүд үсгээр биш аравтын тоогоор илэрхийлэгдэнэ. Тиймээс 30-ийг 16-тийн тооллын системд бид 1E биш (1)(14) буюу 114 гэж тэмдэглэнэ. 13 нь дэд тэмдэгт мөр хэлбэрээр агуулагдах ёстойг анхаарна уу.(123 нь 13-ийг агуулаагүй).

Оролт

Эхний мөрөнд $n$ $(1 ≤ n ≤ 10^{5})$ гэсэн бүхэл тоо байна.

Гаралт

$n$-ийг $b$ $(b ≥ 2)$ тооллын системд бичихэд 13-ийн тоо ядаж нэг удаа орсон байх ялгаатай $b$-үүдийн тоог ол. Хэрэв төгсгөлгүй олон боломжтой бол -1 гэж хэвлэ.

Орчуулсан: Бат-Од

Жишээ тэстүүд

Оролт
7
Гаралт
1
Оролт
100
Гаралт
13
Оролт
13
Гаралт
-1
Сэтгэгдлүүдийг ачааллаж байна...