Бодлогод хялбаршуулсан TCP/IP хаягийн загварыг ашиглах ба нөхцөлийг анхааралтай уншина уу.

IP хаяг бүр 32 битийн тоо байх ба цэгээр тусгаарлагдсаан 8 битийн дөрвөн групп (урдаа тэг агуулаагүй) хэлбэрээр дүрслэгдэнэ. Жишээлбэл $0.255.1.123$ зөв IP хаяг байхад $0.256.1.123$ ба $0.255.1.01$ нь биш юм. Энэ бодлогод дөрвөн ширхэг 8 битийн тоонуудын дурын групп нь зөв IP хаяг байна.

Бидний баатар Поликарпус нэгэн том корпорацид системийн админаар ажилладаг. Тэр үзэсгэлэнтэй IP хаягуудад дуртай. Тэр IP хаягийг үзэсгэлэнтэй эсэхийг нь шалгахын тулд дараах зүйлсийг хийх ёстой:

1. IP хаягийн 8-бит тоонуудыг цэгүүдийг нь хаяад нэг мөрөнд бичнэ;
2. гарч ирсэн тэмдэгт мөр нь палиндром эсэхийг шалгана.

Мэдээж палиндром тэмдэгт мөр гэдэг нь зүүнээс нь ч баруунаас нь ч уншсан ижилхэн уншигддаг тэмдэгт мөрийг хэлнэ.

Жишээлбэл $12.102.20.121$ ба $0.3.14.130$ IP хаягууд нь үзэсгэлэнтэй ("$1210220121$" ба "$0314130$" тэмдэгт мөрүүд нь палиндром) боловч $1.20.20.1$ ба $100.4.4.1$ IP хаягууд нь үзэсгэлэнтэй биш юм.

Поликарпус өгөгдсөн цифрүүдийн бүрдлийг агуулсан бүх үзэсгэлэнтэй IP хаягуудыг олохыг хүсч байна. Бүрдлийн цифр бүр IP хаягт яг нэг удаа агуулагдах ёстой. Түүнд энэ хэцүү ажлыг гүйцэтгэхэд нь туслана уу.

Оролт

Эхний мөрөнд нэг бүхэл тоо $n$ $(1 ≤ n ≤ 10)$ байх ба бүрдэл дахь цифрүүдийн тоо юм. Хоёр дахь мөрөнд бүхэл тоон бүрдэл $a_{1}, a_{2}, ..., a_{n}$ $(0 ≤ a_{i} ≤ 9)$ байна. Бүрдэл дахь бүх цифрүүд ялгаатай.

Гаралт

Эхний мөрөнд өгөгдсөн цифрийн бүрдэл дахь цифрүүдийг агуулсан үзэсгэлэнтэй IP хаягуудын тоог илэрхийлэх нэг бүхэл тоог хэвлэ. Дараагийн $k$ мөрөнд үзэсгэлэнтэй хаягуудыг дурын дарааллаар нэг мөрөнд нэгийг хэвлэ.