C. Цаг агаар

хугацааны хязгаарлалт 1 секунд

санах ойн хязгаарлалт 256 мегабайт

оролт стандарт оролт

гаралт стандарт гаралт

Эрдэмтэд дэлхийн дулаарал болон дэлхийг хөргөх асуудлын талаар маш их ярьдаг. Үнэхээр иймэрхүү байгалийн үзэгдэл нь манай гариг дээрх амьдралд бүх талаар хүчтэй нөлөөлж байна.

Манай баатар Вася эдгээр асуудлын талаар нилээд санаа зовж байна. Тэр жижиг туршилт хийж, гадаах температур өдөр тутам хэр өөрчлөгдөж байгааг ажиглахаар шийджээ. Тэрээр өглөө бүр тагтан дээрээ термометр өлгөж, температурыг нь тэмдэглэж авчээ. Тэр сүүлийн $n$ өдрийн температурыг хэмжчихээд байна. Тиймээс түүнд $t_{1}, t_{2}, ..., t_{n}$ гэсэн тоонуудын дараалал үүсчээ. Энд $i$-р тоо бол $i$-р өдрийн температур болно.

Вася бусад хотуудын температурын статистик үзүүлэлтүүдийг шинжлэн, хэрэв эхэндээ гадаах температур $0$-тэй тэнцүү биш тооны өдөрт хасах хэмтэй, дараагаар нь $0$-тэй тэнцүү биш тооны өдөрт эерэг хэмтэй байх юм бол тэр хот байгаль орчны асуудал байхгүй гэсэн дүгнэлтэнд хүрсэн байна. Томъёоллоор $t_{1} < 0, t_{2} < 0, ..., t_{k} < 0$ ба $t_{k + 1} > 0, t_{k + 2} > 0, ..., t_{n} > 0$ байх $k$ ($1 ≤ k ≤ n - 1$) эерэг бүхэл тоо байх ёстой. Ялангуяа температур нь хэзээ ч $0$ байхгүй. Хэрвээ энэ нөхцөл хангагдахгүй бол Вася хотоо байгаль орчны асуудалтай гэж үзэн, сэтгэл нь гонсойх болно.

Та Васяг гонсойлгохыг хүсэхгүй биз дээ. Тийм учир та температурын хэдэн утгыг сонгож, Васягийн нөхцөлийг хангахаар өөрчлөх болно. Ингэхдээ хамгийн багадаа хэдэн температурын утга өөрчлөгдөх хэрэгтэй вэ гэдгийг та тооцоолж гаргах хэрэгтэй.

Оролт

Эхний мөрөнд нэг бүхэл тоо $n$ ($2 ≤ n ≤ 10^{5}$) буюу Васягийн температурыг нь хэмжчихээд байсан өдрүүдийн тоо байна.

$2$ дахь мөрөнд температурын утгын дараалал болох $n$ ширхэг $t_{1}, t_{2}, ..., t_{n}$ $(|t_{i}| ≤ 10^{9})$ бүхэл тоонууд хоосон зайгаар тусгаарлагдан өгөгдөнө.

Гаралт

Өгөгдсөн даалгаврын хариулт болох нэг бүхэл тоог хэвлэ.

Орчуулсан: Солонго

Жишээ тэстүүд

Оролт
4
-1 1 -2 1
Гаралт
1
Оролт
5
0 -1 1 2 -5
Гаралт
2

Тэмдэглэл

Эхний жишээн дээр: Дарааллыг Васягийн нөхцлийг хангадаг болгохын тулд $1$ тоог өөрчлөх $2$ янзын арга байгаа. Эхний $1$-ийг ямар нэгэн сөрөг тоогоор орлуулах эсвэл $-2$-ыг ямар нэг эерэг тоогоор орлуулж болно.

Сэтгэгдлүүдийг ачааллаж байна...