D. Платландын Туялзуур Жадны тэмцээн

хугацааны хязгаарлалт 2 секунд

санах ойн хязгаарлалт 256 мегабайт

оролт стандарт оролт

гаралт стандарт гаралт

Платландын эзэн хаан баатруудын хооронд нэгэн тэмцээн зохион байгуулахаар болжээ! Ялагч нь эзэнт улсын хагасыг авах ба оюун ухаан царай зүс төгс гүнжийг эхнэр болгон авах ажээ. Тэмцээнд оролцогчдын сүүлийн сорилт нь эр зориг болон эрч хүч шаардах туялзуур жадны тэмцээн байв. Тэмцээн дараах дүрмийн дагуу явагдана: оролцогчид нь нэг нэгээрээ тулалдах бөгөөд ялагч нь дараагийн үе уруу орох юм.

Тулаан болохоос өмнө оролцогчид $Ox$ тэнхлэг дээрх бүхэл координатууд бүхий тодорхой цэгүүд дээр зогсож байна. Үүний дараа тэд ээлжлэн үйлдэл хийх ажээ. Эхний оролцогч эхлээд нүүх бөгөөд нүүх явцдаа эхний оролцогч $x$ цэгээс [$x + a$; $x + b$] гэсэн интервал дотор байх ямар ч цэг уруу шилжиж болох байв. 2-дахь оролцогч өөрийн ээлж дээрээ [$x - b$; $x - a$] интервал дотор байх ямар ч цэг уруу шилжин хөдөлж болох ажээ. Өөрөөр хэлбэл тоглогчдын нүүдлийн сонголтууд нь тэгш хэмтэй байх юм ($a$ болон $b$ гэсэн тоонууд нь заавал эерэг байх албагүй бөгөөд хэрэв $a ≤ 0 ≤ b$ байвал байрандаа үлдэх нь зөв үйлдэл болох юм). Хугацааны ямар ч мөчид оролцогчид нь нэг нэгтэйгээ харьцангуй дурын байдлаар хөдлөх бөгөөд өөрөөр хэлбэл өөрийн дайснаа ямар ч чиглэлийн дагуу давж үсрэх боломжтой байх юм. Хэрэв оролцогч өөрийн ээлж дээрээ өрсөлдөгчийнхөө байгаа цэг дээр шилжин очиж чадвал тухайн оролцогч тэмцээнд ялна.

Мэдээж хэрэг гүнж аль хэдийн өөрийн нөхрөө сонгосон бөгөөд одоо тэрээр өөрийн хайртай баатраа тэмцээнд ялахыг хүсэж байгаа юм. Түүний хайртай баатар аль хэдийн тэмцээний эцсийн шатанд хүрсэн ба одоо тэрээр эцсийн тулаанаа хийх гэж байв. Гүнж тэмцээн зохион байгуулагчаас өөрийн хайртай баатрыг тэмцээнд ялахаар зохион байгуулж өгөхийг хүссэн ба ингэхдээ 2 оролцогчийг 2-ууланг нь ухаалаг тулалдана гэж үзэх юм. Харамсалтай нь тэмцээнд оролцогчдын анхны байрлалууд аль хэдийн зарлагдсан бөгөөд одоо зөвхөн зарим тэмдэгт мөрийг солин аль оролцогч эхэнд хөдлөх аль оролцогч 2-т хөдлөхийг өөрчилж болох байв. Гэвч бид аль оролцогч тэмцээнд баттай ялахыг хэрхэн мэдэх билээ? Гүнж цэргийн эрдэмд огт суралцаагүй учраас танаас 2 оролцогч 2-уулаа ухаалаг тулалдах үед тулаан хэрхэн төгсөхийг тодорхойлж өгөхийг хүсжээ. Түүнчлэн хэрэв эхний оролцогч тулаанд ялах бол түүний хожлын нүүдлийг мөн тодорхойлно уу.

Оролт

Эхний мөрөнд зайгаар тусгаарлагдсан 4-н бүхэл тоо $x_{1}$, $x_{2}$, $a$ болон $b$ ($x_{1} ≠ x_{2}$, $a ≤ b$, $ - 10^{9} ≤ x_{1}, x_{2}, a, b ≤ 10^{9}$)-ууд өгөгдөх ба эдгээр нь харгалзан эхний болон 2-р оролцогчдын анх байрлах координатууд болон тоглогчдын нүүдлийг тодорхойлох тоонуудыг тус тус илэрхийлнэ.

Гаралт

Гаралтын эхний мөрөнд тулааны үр дүнг хэвлэх ба хэрэв 2 оролцогч 2-уулаа ухаалаг тулалдан эхний оролцогч тулаанд ялах бол "$FIRST$" (хашилтгүйгээр), хэрэв 2-р оролцогч тулаанд ялах бол "$SECOND$" (хашилтгүйгээр), хэрэв хэн ч баттай ялж чадахгүй бол "$DRAW$" (хашилтгүйгээр) гэж хэвлэнэ үү.

Хэрэв эхний оролцогч тулаанд ялах бол дараагийн мөрөнд бүхэл тоо $x$-г хэвлэх ба энэ нь эхний тоглогч ялахын тулд шилжих ёстой цэгийн координатыг илэрхийлнэ. Уг тодорхойлогдсон нүүдэл нь заавал зөвшөөрөгдсөн нүүдэл байх ёстой бөгөөд өөрөөр хэлбэл $x_{1} + a ≤ x ≤ x_{1} + b$ гэсэн нөхцөлийг хангасан байна. Хэрэв хэд хэдэн хожлын нүүдэл оршин байвал тэдгээрийн алийг нь ч хэвлэсэн болно. Хэрэв эхний оролцогч тулаанд баттай ялалт байгуулж чадахгүй бол 2-р мөрөнд та юу ч хэвлэх хэрэггүй юм.

Орчуулсан: Баатархүү

Жишээ тэстүүд

Оролт
0 2 0 4
Гаралт
FIRST
2
Оролт
0 2 1 1
Гаралт
SECOND
Оролт
0 2 0 1
Гаралт
DRAW

Тэмдэглэл

Эхний жишээнд эхний оролцогч нэг нүүдэл хийснээр тулаанд ялах юм.

2-дахь жишээнд эхний оролцогч заавал $1$ гэсэн цэг уруу шилжих ёстой бөгөөд 2-р оролцогч уг цэг уруу тэр даруй шилжин ирсээр тулаанд ялах юм.

3-дахь жишээнд 2 оролцогчийн хувьд байрлалаа солих нь аль алинд нь ашиггүй учраас хэн ч тэмцээнд ялж чадахгүй байна.

Сэтгэгдлүүдийг ачааллаж байна...