B. Харри Поттер ба Ид шидийн түүх

хугацааны хязгаарлалт 1 секунд

санах ойн хязгаарлалт 256 мегабайт

оролт стандарт оролт

гаралт стандарт гаралт

"Ид шидийн түүх" нь Хогвартс ид шидтэнгүүдийн сургуулийн хичээлүүд дундаас уйтгартайгаараа магадгүй хамгийн шилдэг нь байх. Харри Поттер энэ хичээлийг ихэвчлэн унтаж өнгөрөөдөг бөгөөд шидэт өд нь түүний өмнөөс лекцийг нь тэмдэглэдэг. "Ид шидийн түүх" хичээлийн багш профессор Бинний нэгэн хэвийн хэмнэлтэй хоолой нь уйтгартай байдлаараа шидэт өдөнд хүртэл нөлөөлж чадахуйц билээ. Иймээс шидэт өд нойрмоглосондоо үе үе алдаа гаргадаг бөгөөд ялангуяа огноон дээр бүр ч их алддаг билээ.

Ийнхүү семестрийн төгсгөл ирж Профессор Бинн оюутнуудынхаа дэвтрийг шалгахаар шийджээ. Үүнийг мэдсэн Рон Вийслий сандарч эхлэв: Харригийн дэвтэр дээр алдаатай ч гэсэн тэмдэглэл байгаа, тэгтэл түүнийх дээр ямар ч тэмдэглэл байхгүй. Мэдээж Рон мөн л лекцүүдийн турш унтаж байсан бөгөөд шидэт өдөө тэжээдэг харх Скабберсд идүүлсэн байлаа. Хермоний Гренжер өөрийнхөө дэвтрийг Ронд өгөхөөс татгалзав. Учир нь түүнийхээр бол хүн бүр өөрөө сурах ёстой аж. Иймээс Ронд Харригийн дэвтрийг л хуулахаас өөр сонголт байсангүй.

Шидэт өдний гаргасан алдаа нь Харригийн хувьд огноонуудыг будлиантуулж орхисон байлаа: Гоблиний бослогын жил болон бусад хэрэгтэй үйл явдлууд он цагийн дарааллынхаа дагуу биш байсан бөгөөд заримдаа бусад он сарууд ирээдүйн үйл явдлыг зааж байлаа. Тиймээс Рон дэвтэрийг хуулахдаа зарим нэг огноог он цагийн дарааллаар байхаар өөрчлөхийг хүсч (өөрөөр хэлбэл үл буурах байдлаар) байв. Мөн энэхүү тэмдэглэлд $2011$ оноос хойшхи $1000$ оноос өмнөх огноо дурдагдсан байх учиргүй юм. Үүнд үндэслэн Профессор Бинний хэлсэнтэй ойролцоо огноогоор солих боломжтой. Рон огноо бүрээс нэг л орон солих боломжтой бол түүнд тусална уу.

Оролт

Эхний мөрөнд Харригийн тэмдэглэл дэхь огнооны тоо $n$ ($1 ≤ n ≤ 1000$). Дараагийн $n$ мөрөнд огноог илэрхийлэх $y_{1}$, $y_{2}$, ..., $y_{n}$ тоонууд мөр бүрт нэг он байхаар өгөгдөнө. Өгөгдсөн бүх он $4$ оронтой ($1000 ≤ y_{i} ≤ 9999$).

Гаралт

Роны хүсэж байгаа онуу болох $z_{1}$, $z_{2}$, ..., $z_{n}$ ($1000 ≤ z_{i} ≤ 2011$) гэсэн $n$ ширхэг тоог мөр бүрт нэг тоо байхаар хэвлэнэ үү. $z_{i}$ дараалал үл-буурах байх ёстой бөгөөд $z_{i}$ тоо бүр $y_{i}$-аас хамгийн ихдээ нэг оронгоороо ялгаатай байх ёстой. Мөн эхний оронг $0$ болгож болохгүй. Олон хариутай бол алийг нь ч хэвлэсэн болно. Хариу байх боломжгүй бол "No solution" гэж хэвлэнэ үү.

Орчуулсан: gmunkhbaatarmn

Жишээ тэстүүд

Оролт
3
1875
1936
1721
Гаралт
1835
1836
1921
Оролт
4
9999
2000
3000
3011
Гаралт
1999
2000
2000
2011
Оролт
3
1999
5055
2000
Гаралт
No solution
Сэтгэгдлүүдийг ачааллаж байна...